वाघाच्या स्वप्नात असंख्य विघ्न ! अखेर कमळाबाईचेच लग्न !

वाघाचं लग्न ठरलं! गंगेत घोडं न्हालं !

गावं म्हटलं कमळाबाई ! वाघ म्हटला जमत नाही!
कमळाबाई रुसली ! वाघाला सोडुन गेली !

वाघ पडला एकटा ! झाला एकदम पोरकां !
कमळाबाई काही ऐकेना ! म्हणे आता माझं पण पटेनां !

वाघ झाला सैरभैर ! आता नव्हती कुणाची खैर !
शोधु लागला वधू ! पण होता स्वत:च अधु !

वाघाची नजर भिरभिर ! झाली रोजचीच किरकिर !
नजर काही जुळेना ! वाघाचं कुठे जमेना !

आला तिकडून जंगलाचा राजा ! वाघ म्हटला विवाह कर माझा !
राजा होता मोठा चतुर ! शोधु लागला कुणी फितुर !

राजालां दिसली एक झोपडी ! परिस्थिती मात्र फारच तोकडी !
झोपडीत होती एक वधु ! वाघासारखी तीपण अधु !

राजा म्हटला वाघाला ! होतो मी मुलीचा मामा !
लग्न लावतो थाटात ! मलापण घे घरात !

वाघ म्हटला नकोती वणवण ! लग्नासाठी काहीपण !
अखेर ठरलं, वाघाचं ठरलं ! गुडघ्याला बाशिंग बांधल !

वाघाचं लग्न ठरलं ! गंगेत घोडं न्हालं !

***********************************************

ताजी वस्तुस्थिती :

राजाचा शिलेदार अजित हुशार !
म्हटला मीच तुझा वारसदार !

नको तो वाघ अनं ती संधीसाधु वधु
अशा घरात मी का नांदु !

कमळाबाई कडे गावाचे लक्ष
वाघ आहेच मुळी खुप रुक्ष !

मलापण राखायचा संसाराचा गड
कमळाबाई सोबत आता माझाचं फड !

वाघाच्या स्वप्नात असंख्य विघ्न
अखेर झालं  कमळाबाईचेच लग्न !

-जयवंत

टिप : वरील ओळीं सद्य राजकीय परिस्थतीवर विडंबन आहे , संबोधन नाही.